Wala tugoti ni Danao City Mayor Nito Durano ang unta pagabuhaton sa Department of Public Works and Highways – Cebu 5th District nga road re-concreting sa tarong pa nga dalan niini.
Kini ang nahimong baruganan ni Durano sa dihang gi-review niini ang mga proyekto nga gi-propose sa DPWH-5th District para sa dakbayan alang sa tuig 2026.
Gani mipadayag sa sa iyang katin-awan si Vice Mayor Ivy Durano sa mga sakop sa tigbalita kabahin niining isyu.
Sumala pa sa bise-mayor nga ang gisumiter sa DPWH sa Office of the Mayor para sa 2026 city priority projects kay wala matakdo sa sugyot sa City Government.
Saysay niini nga sa nahitabong courtesy call sa DPWH-5th District officials sa pagpangayo og “permit to proceed” sa mga proposed projects kay kadaghanan sa mga proyekto naglangkob sa re-concreting sa nga tarong ug mapuslan pa nga mga dalan nga gisuta mismo sa Danao City Engineering Office.
Hinungdan nga wala gi-aprubahan sa mayor ang mga proposed projects ug wala luwati sa permiso.
Gani gawas niini kay mipadla og suwat ang mayor kang Presidente Ferdinand “Bongbong” Marcos Jr. aron ipadayag ang priority projects sa dakbayan ilabi na sa mga imprastruktura nga naguba sa nakalabayg Bagyong Tino og ikanselar ang mga dili dinalian nga proyekto aron ma-reallocate ang budget.
