Gipahinumdoman ni Kalookan Bishop Cardinal Pablo Virgilio David ang publiko nga bisan og ang paglaum lisod pangitaon, kini nagpabilin nga lig-on ug mas hayag nga nagdan-ag hilabi na taliwala sa kangitngit ug kawalay paglaum.
Matud ni Cardinal David nga daghang mga Pilipino ang wala mobati og paglaum sa 2025, bisan pa sa pagdeklarar sa tuig isip “Tuig sa Paglaum.”
Kini nga mga hagit naglakip sa nawala nga mga sabangero, mga biktima sa gubat sa droga, mga kontrobersiya sa gobyerno, sunod-sunod nga mga katalagman, ug ang nagkagrabe nga pagkaadik sa online gambling.
Apan bisan paman niana, iyang gipasiugda nga ang tinuod nga paglaum wala magpasabot sa paglikay sa kangitngit inay ang pagkatawo niini sa mga panahon sa dakong pagsulay.
Giawhag usab niya ang publiko nga pilion ang paglaum ug bansayon ang pag-atiman ug kaluoy, bisan sa gagmay nga mga paagi, tungod kay ang kaayo adunay gahum sa pagbag-o sa mga tawo.
