Upat ka miyembro sa usa ka Spanish family ang na-missing human ang gisakyang bangka nga adunay 11 ka mga pasahero kay nalunod sa baybayon sa Indonesia tungod sa bati nga dagan sa panahon.
Ang pamilya kay gilangkoban sa amahan ug tulo ka mga anak niini kay nagbakasyon sa Indonesia diin na-mising ini sukad niadtong Biyernes, Disyembre 26 human mitikyaob ang bangka nga gisakyan tungod sa dagkong pagbalod nga miabot sa tulo ka metros sa Padar Island Strait duol sa isla sa Labuan Bajo nga tanyag isip tourist spot.
Gani ang mga rescuers kay mipangita dayon sa mga biktima bisan paman sa mga dagkong balod aron matultolan ang wreckage ug debris sa bangka.
Apan temporaryong gihunong nila ang search and rescue operation pag takna nga ngitngit sa kagabhion sumala pa sa Indonesian authorities.
Maayo nalang og ang inahan ug usa ka babayeng anak sa maong pamilya kay luwas ra lakip ang mga crew members ug tour guide sa bangka atol sa panghitabo.
