PNP, gikumpiska ang kapin P1-M nga kantidad sa mga pabuto

Nakakumpiska ang Philippine National Police (PNP) og anaa sa P1.224 milyon nga kantidad sa ilegal nga mga pabuto pipila ka adlaw sa wala pa ang Bag-ong Tuig.

Sumala sa PNP, nakakumpiska sila og 79,953 ka ilegal nga mga pabuto.

Kini gikumpiska gikan sa mga merkado, mga sidewalk vendor, ug mga checkpoint.

Ang matag rehiyonal nga opisina sa PNP nagpahigayon usab sa pagguba sa mga nakumpiska nga pabuto aron dili na kini magamit pag-usab.