Gibutyag ni Senate President Pro Tempore Panfilo “Ping” Lacson nga labing menos lima ka mga kalihim sa Gabinete ang adunay gigahin nga kantidad nga mokabat sa binilyon ka pesos sa kontrobersyal nga 2025 national budget.
Si Lacson miingon nga kini gibase sa mga dokumento nga iyang nakuha gikan sa namatay nga kanhi DPWH Undersecretary nga si Maria Catalina Cabral.
Kung diin, usa sa mga makita sa mga dokumento giingon nga si kanhi DPWH Secretary Manuel Bonoan, kinsa adunay gigahin nga sobra sa 30.5 bilyon ka pesos alang sa 2025.
Nahisgotan usab sa Senador ang usa ka entry nga “ES, P8 bilyon,” nga giingong nagtumong sa kanhi Executive Secretary nga si Lucas Bersamin.
Dugang pa, nga makalibog nganong ang mga kalihim sa Gabinete adunay gigahin nga kantidad, nga unta alang man kini sa mga magbabalaod.
Ang mga opisyal mahimong ipatawag sa Senate Blue Ribbon Committee kalabot sa imbestigasyon sa giingong anomalous flood control projects, kung mapamatud-an na ang mga dokumento ug ang Special Allotment Release Orders nga gipetsahan Disyembre 27, 2024.
Kini nga pagyagyag misunod sa pamahayag ni Batangas Rep. Leandro Leviste, kinsa unang mibutyag nga adunay mga taas nga opisyal sa gobyerno nga giingong nalambigit sa mga pagsal-ot sa badyet sa imprastraktura sa 2025.
