Nangandam na ang Office of the Ombudsman sa pagpahigayon og lawom nga pagsusi sa mga kompyuter ug dokumento nga gitugyan sa namatay nga si Department of Public Works and Highways Usec. Catalina Cabral.
Sumala ni Assistant Ombudsman Atty. Mico F. Clavano, ang Central Processing Unit (C.P.U.) nga gigamit sa kanhing opisyal ipaubos sa ‘digital forensic examination’.
Niadtong miaging semana, ang Department of Public Works and Highways mitugyan dayon ngadto sa Opisina sa Ombudsman sa mga dokumento ug kompyuter nga kaniadto gihuptan sa namatay nga Undersecretary.
Kini subay sa pag-isyu sa opisina og ‘subpoena duces tecum’ nga nagmando sa departamento sa paghimo sa nahisgutang mga materyales, tungod kay bag-ohay lang, ang kalit nga pagkamatay sa kanhing Public Works Usec. Catalina Cabral nakurat sa daghan.
Busa, gipaambit ni Assistant Ombudsman Clavano nga nangandam na sila alang sa pagpahigayon sa ‘digital forensic examination’.
Gipahibalo niya nga ang Opisina sa Ombudsman mosiguro nga ang eksaminasyon mahimong bukas o ‘transparent’.
Matod niya nga ang Commission on Audit o COA, Department of Public Works and Highways, ug Philippine National Police Anti-Cybercrime Group motabang kanila niini.
Aron masiguro ang integridad sa proseso o ang ‘digital forensic examination’ sa CPU ni Cabral.
Dugang niya nga sa pagkakaron, ilang giseguro nga ang CPU nga gitugyan ngadto sa opisina sa Tanod-bayan selyado.
Ingon niya nga giisip kini sa Ombudsman nga usa ka ‘kritikal nga kalamboan’ labi na sa imbestigasyon tungod kay ang orihinal nga ebidensya gipresentar.
Nagtuo ang Ombudsman nga ang labing kasaligan nga tinubdan sa ebidensya mao ang gikan sa mga ahensya sa gobyerno ug mga indibidwal nga naghupot niini mismo.
Ingon niya nga ang direkta nga ‘mga tinubdan’ mas maayo kaysa mga kopya lang.
