Gisumite na sa National Bureau of Investigation (NBI) sa Office of the Ombudsman ang resulta sa ilang imbestigasyon bahin sa giingong mga “sayop nga deklarasyon” sa Statement of Assets, Liabilities, and Net Worth (SALN) ni Bise Presidente Sara Duterte.
Gikumpirma ni NBI Director Atty. Melvin Matibag ang pagturn-over sa imbestigasyon sa ahensya ngadto sa Ombudsman.
Namatikdan nga nagdala ang mga ahente sa NBI og mga kahon sa mga ebidensya kalabot sa giingong mga kabtangan sa Bise Presidente nga gituohang wala matul-id ang pagdeklarar niini sa iyang SALN.
Tungod niini, gipahayag sa Direktor nga ang hurisdiksyon sa pagpadayon sa imbestigasyon anaa na karon sa Office of the Ombudsman.
Dugang sa opisyal nga mas haom ang Ombudsman ang mag-isyu og subpoena—imbes nga ang NBI—kung gipaabot sa Bise Presidente ang usa ka pormal nga mando sa pag-atubang sa imbestigasyon.
Sumala ni Director Matibag, ang maong referral naglambigit sa mga espesipikong propiedad nga gideklarar sa Bise Presidente isip “agricultural land,” apan gikatahong adunay helipad usab kini.
Nagpakita sa imbestigasyon sa ahensya nga adunay mga “wala gideklarar nga propiedad” nga gipanag-iya ni Bise Presidente Sara Duterte nga wala nalakip sa listahan sa iyang SALN.
