Mipaambit sa iyang mensahe para sa Bag-ong Tuig si Cebu Provincial Governor Pamela “Pam” Baricuatro karong pagpakli sa kalendaryo sa 2026.
Sa iyang mensahe nga gipost sa social media account sa Cebu Capitol Public Information Office kay gipamahayag niini ang malambuon ug malaumong Bag-ong Tuig sa mga Sugbuanon.
Matod niini nga ang bag-ong tuig naghatag kanato og higayon sa pagsugod pagbalik aron mapalambo ang kaugalingon ug pilion nga mamahimong maayong tawo.
Gihinumdum pud ni Baricuatro ang mga panghitabo nga miuyog sa Sugbo ubos sa iyang administrasyon sa Kapitolyo nga ingon man maghatag kini og pagtulun-an.
Giawhag sa opisyal ang mga Sugbuanon nga karong 2026, pamalandungon ang maayong pamatasan sa respeto, kaluoy, ug kakugi sa pagtuo nga ang gamay aksyon makapausab og kinabuhi sa uban pinaagi na usab sa panaghiusa sa tanan.
Gisaad sa gobernadora nga pangulohan nioya ang lalawigan nga adunay pag-amping, kaangayan, ug integridad sa pagbutang sa kaayohan sa katawhan sa pagpaminaw sa mga aligutgot sa mga lungsuranon ug pagdesider kung unsay makaayo sa probinsya.
