Ipailawm sa pipila ka mga upgrade ang Rizal Memorial Sports Complex para sa gikatakdang hosting niini sa Women’s Tennis Association (WTA) 125 Women’s Open karong Enero 2026.
Sumala kay Philippine Sports Commission (PSC) Chairman Patrick Gregorio nga dili lamang sa tennis center nakatutok ang ilang pagpa-upgrade apan sa tibuok sports complex mismo.
Lakip sa mga rehabilitasyon kay ang mga kalsad sa gawas nga bahin sa pasilidad, pagbutang og solar lights ug uban pang mga adjustments.
Magdugang sab kini og mga lingkuranan sa tennis center nga sulod sa sports center aron mapataas niini ang sitting capacity sa pag-cater sa kapin 2,000 ka mga manan-away.
Dugang ni Gregorio nga kinahanglang maabot sa Pilipinas ang international standard ilabi na nga nagkadaghang angmga tennis players sa nasud nga gilaumang muduwa sa maong torneyo. Gikinahanglan pud niini nga mapakita sa tibuok kalibutan nga han-ay ang hosting ug tanan pasilidad sa tennis complex para gamiton sa mga world-class tennis players.
Asoy niini nga pagkahuman sa duha hangtod sa tulo ka semana kay gisigurong mahuman na ang mga gikatakdang upgrades.
Ang torneyo kay mulanat gikan Enero 26 hangtod 31.
