Gibatikos ni former Senador Franklin Drilon ang Independent Commission for Infrastructure (ICI), nga gitawag kini nga “dead body” tungod sa kawalay aksyon ni Presidente Ferdinand Marcos Jr. sa pagtudlo og mga kapuli sa mga miresign nga miyembro.
Sa usa ka interbyu, si Drilon miingon nga ang retirado nga Supreme Court Associate Justice Andres Reyes Jr. mao na lang ang nahibiling commissioner sa ICI human miresign si Rossana Fajardo niadtong Disyembre 26 ug si Babes Singson, 11 ka adlaw sa wala pa ang resignation ni Fajardo.
Diin alang ni Drillon, ang ICI dili na mapuslanon tungod sa kawalay aksyon sa Presidente.
Dugang nga gipasabot sa kanhi magbabalaod nga ang mga isyu sama sa anomalosong imbestigasyon sa pagkontrol sa baha responsibilidad sa mga ahensya sama sa Ombudsman, Department of Justice (DOJ), ug Commission on Audit (COA), ug nga ang ICI kinahanglan nga magsilbing pangunang recommending body alang sa nahisgutang mga ahensya, samtang ang komisyon mahimong hingpit nga wagtangon bisan kung wala ang Independent People’s Commission (IPC) Act, tungod sa kawalay katakus niini sa pagpahigayon og mga operasyon.
