32 patay human nahugno ang crane sa train

Mokabat sa labing menos 32 ka tawo ang namatay human ang usa ka crane nabangga sa usa ka tren sa amihanan-sidlakan sa Thailand.

Gikataho nga nadiskaril ug naguba ang pipila ka mga carriages sa wala pa masunog ang tren sa dihang natumba ang construction crane.

Basi sa impormasyon nga adunay kapin sa 170 ka mga pasahero ang sakay sa tren atol sa insidente, diin giingong gikan kini sa Bangkok ug paingon sa Ubon Ratchathani.

Naglunsad na ang State Railway sa Thailand og imbestigasyon ug nanumpa nga paninglon ang kompanya sa konstruksyon sa aksidente.