Namatay sa mga protesta sa Iran, misaka na sa kapin 2,000 ka tawo-HRANA

Nisaka na ngadto sa kapin sa 2,000 ang ihap sa mga namatay sa sunod-sunod nga mga protesta sa Iran, sumala sa usa ka grupo sa tawhanong katungod.

Sumala sa usa ka taho gikan sa Human Rights Activists News Agency (HRANA), adunay kinatibuk-ang 1,850 ka mga nagprotesta, 135 ka security forces ug siyam ka mga sibilyan, ingon man siyam ka mga bata, ang gikumpirma nga namatay sa miaging 17 ka adlaw.

Sumala sa usa ka opisyal sa Iran, 2,000 ka mga tawo ang namatay, diin ang mga terorista ang gibasol sa mga kamatayon.

Subay niini, si President Donald Trump sa US makigkita sa mga taas nga opisyales aron hisgutan ang isyu sa Iran ug misaad nga magtigom og tukma nga datos sa ihap sa mga namatay sa Iran.