Gibutyag ni Department of the Interior and Local Government (DILG) Secretary Jonvic Remulla nga usa ka kontraktor ug usa ka kongresista nga gitawag nga “cong-tractor” ang giingong misulay sa pagsuhol kaniya ug sa iyang igsoon nga si Ombudsman Jesus Crispin Remulla og kinatibuk-ang P2 bilyon taliwala sa imbestigasyon sa mga anomaliya sa mga proyekto sa flood control projects.
Sumala ni Sec. Remulla, ang pagsulay sa pagsuhol gipaagi sa mga emissaries sa kontraktor ug sa naglingkod nga Cong-tractor, usa ka grupo ang iyang giingon nga grupo sa Visayas-Mindanao samtang ang usa mao ang grupo sa Luzon.
Giingon nga nangayo sila og tabang sa ilang kaso, pagtangtang sa listahan ug paghatag kanila og piyansa.
Gipasabot sa kalihim nga wala sila dayon gidakop bisan pa sa ilang pagsulay sa pagsuhol sa mga opisyal tungod kay dali ra nilang malimod ang giingong pagsuhol ug moingon nga kini ‘hungihong’ o hinimo-himo lang tungod kay siya miingon nga ang suhol wala direkta nga gitanyag.
Samtang, sa dihang gipangutana bahin sa reaksyon ni Ombudsman Remulla bahin sa tanyag nga suhol, miingon siya nga ang opisyal mikatawa nga wala niya sila tagda.
Giklaro usab niini nga walay direktang tanyag kanila nga magpakahilom sa imbestigasyon sa anomaliya sa mga proyekto.
Dugang usab niini nga angayan gani nga dakpon dayon gumikan direktang koneksyon na kini.
