Usa ka manindahay oog selpon sa Libya ang nakurat sa dihang nadawat niini ang shipment sa Nokia flip-phones ug sliding phones sa kapin 16-ka tuig sukad sa pag-order niini.
Ang Libya kay nakasinati sa pagkahuyang sulod sa kapin 15 ka tuig diin ang mga batakang serbisyo sa pamatigayon kay nainutil susama sa istorya sa usa ka tindahan ug selpon sa Tripoli diin ang order niini niadtong 2010 kay karon pa mitumaw niadtong pagsugod sa giyera sibil.
Sa video nga mikatap online, ang mga tindero kay mikatawa nalang sa pag-unboxing sa maong parcel nga ilang gihulagway nga mga nangaraan kun itandi sa bag-ong mga teknolohiya.
Gani namulong pa ang mga tindero nga pipila ra man unta ka kilometro ang gintang nila gikan sa mga bodega sa mga shipment gikan sa gawas sa nasud apan nga nagpundo lang og abog tungod sa giyera kay nakabalda kini sa logistics ug customs services sa maong nasud.
Klase-klaseng reaksyon gikan sa mga netizens ang mibaha sa comment section diin adunay pipila ang namalandong sa epekto sa kagubot sa nasud sa ordinaryong kinabuhi sa mga tawo.
