Gipahibalo ni Presidente Ferdinand Marcos Jr. ang pagkadiskobre sa Malampaya East-1 (MAE-1), ang labing unang dako nga natural gas reservoir sa Pilipinas sulod sa kapin usa ka dekada.
Nahimutang kini lima ka kilometro sa silangan sa kasamtangang Malampaya field ug gibanabana nga adunay 98 billion cubic feet nga gas.
Sumala sa initial testing, ang MAE-1 well nagpakita og taas nga productivity nga moabot sa 60 cubic feet kada adlaw, nagpamatuod nga kini usa ka high-productivity resource, sama sa original nga Malampaya wells.
Ang bag-ong reservoir makapamugna og 14 bilyong kilowatt-hour kada tuig, igo nga makasupply sa 5.7 milyon ka panimalay, o anaa sa kapasidad sa daghang eskwelahan ug building sa nasud.
Dugang pa, nadiskobrehan usab ang condensate, usa ka high-value liquid fuel nga makasuporta sa nasudnong enerhiya.
Gipasiugda niini, nga Pilipino ang nanguna sa drilling ug nahuman nga walay aksidente, usa ka dakong garbo sa lokal nga eksperto.
Sunod nga lakang mao ang completion sa Camago-3 ug pag-drill sa Pag-asa exploration well aron mapadayon ang pagdiskobre sa dugang gas resources ug masiguro ang lig-on nga suplay sa enerhiya sa Pilipinas.
