Mikabat na sa kapin 5,000 na ka mga tawo ang namatay sa mga protesta sa Iran, lakip ang mga 500 ka pwersa sa seguridad, sumala sa usa ka lokal nga opisyal.
Ang “mga terorista ug armadong mga rebelde” ang gibasol sa pagkamatay sa mga inosenteng Iranian.
Sumala sa grupo sa tawhanong katungod nga nakabasi sa US (HRANA), 3,308 ang gikumpirmar nga patay, nga adunay 4,382 pa ka mga kaso nga giimbestigahan, ug kapin sa 24,000 ka mga tawo ang nadakpan.
Daghang mga residente ug mga video sa social media ang nagpakita sa mga pwersa sa estado nga mapintas nga nagpugong sa mga demonstrasyon, lakip ang direkta nga pagpamusil sa mga nagprotesta, nga kadaghanan kanila mga batan-on.
Ang labing taas nga ihap sa mga namatay anaa sa rehiyon sa Kurdish sa amihanan-kasadpan, diin aktibo ang mga armadong separatista.
Mahinumduman nga ang mga protesta sa Iran miulbo niadtong Disyembre 28 sa miaging tuig tungod sa krisis sa ekonomiya, hangtod nga kini midako ngadto sa kaylap nga mga panawagan alang sa pagtapos sa pagmando sa kasamtangang rehimen.
Bisan pa sa mga aksyon sa estado, ang Supreme Leader nga si Ayatollah Ali Khamenei miingon nga dili nila ilubong ang nasud sa gubat, apan iyang gipasalig nga ang mga responsable sa kagubot pagasilotan, diin ang Supreme Leader nagbasol sa Amerika ug Ukraine sa giingong luyo sa liboan ka mga kamatayon atol sa mga aksyong protesta sa ilang nasud.
