Gikonsiderar sa Kagamhanan sa Dakbayan sa Mandaue, ang pagsusi sa Waste to Energy Plant nga planong tukoron sa Dakbayan sa Naga, subay sa nagkabaga nga problema sa basura sa siyudad.
Matud ni Mandaue City Mayor, Thadeo Jonkie Ouano, nga gikonsiderar sa kagamhanan ang tanang paagi sa pagsulbad sa problema sa basura sa Dakbayan sa Mandaue, subay sa pagkadahili sa Binaliw Landfill niadtong Enero 8, 2026.
Sigon ni Ouano, nga plano usab sa kagamhanan ang pagtukod og WTE aron masulbad ang maong problema, lakip na ang pagkig-alayon sa mga Barangay Captains sa dakbayan sa pagpatuman sa hugot nga pag-segregate sa mga basura.
Dugang sa Mayor nga sa ingun ini nga paagi, mas gamay ra og bayranan ang kagamhanan sa paglabay lang og basura sa Asian Energy nga nahimutang Barangay Polog, Consolacion, diin mokabat ngadto sa 65 Million sa usa ka tuig lang.
Gihimug-atan Ouano, nga mahinungdanon ang pagpangita og malungtarong solusyon sa pagtubag sa problema sa basura hilabi na sa Dakbayan sa Mandaue.
Hatagan usab sa kagamhanan og ganti ang matag-barangay nga istriktong mo tuman sa pagsegregate sa basura aron ma-aghat sila sa pagsunod, samtang possible usab nga magpahamtang og silot sa mga mosupak.
