Gipahigayon ang send-of ceremony para sa ASEAN Summit 2026 Security Task Group Central Visayas, nga magsilbing mangulo sa pagbantay ug pagsiguro sa seguridad atol sa ASEAN Summit 2026 nga ipahigayon sa Dakbayan sa Sugbo.
Nangunay usab si PBGEN Redrico Maranan, ang Regional Director sa Police Regional Office-7 (PRO-7) ang naasoyng seremonya, diin siya ang gitahasan sa pagsiguro sa seguridad sa mag venues ug deligado nga mosalmot sa ASEAN Tourism Forum.
Sa ekslusibong pakighinabi sa Bombo Radyo Cebu newsteam kaniya, iyang gikabutyag nga adunay kapin 5,000 ka mga personahe ang ipakatap nga gilangkoban sa PNP, AFP, BFP, BJMP, PCG, ug mga Traffic Officers gikan sa nagkadaiyang LGU nga gilangkoban sa Metro Cebu.
Gidugang ni Maranan nga samtang ang Probinsya sa Bohol mao ang nag una sa pag-asikaso sa mga panagtagbo niining kalihokan sa ASEAN Summit, walay natala nga kadaot ra usab ang natala sa probinsya, ingun man padayon gihapon ang ilahang pagbantay aron mamintinar ang kahapsay hangtud matuldokan ang kalihokan.
Subay niana, niluwat og direktiba si Maranan ngadtos nagkalain-laing buhatan sa Dakbayan sa Sugbo, Mandaue, ug Lapu-Lapu aron masiguro ang kahapsay ilabi na nga sa Lunes, moabot na ang pipila ka mga deligado gikan sa laing nasud.
Samtang sa gidaghanon sa mga personnel nga ipakatap, gilangkoban kini sa 150 gikan sa AFP, BJMP 60, BFP 60, PCG 100, ug sa DRRMO gikan sa Office of the Civil Defense, aduna say 450 ka personnel ang ipakatap, ug 100 gikan sa DOH.
Gitataw usab ni Maranan nga walay road closure nga mahitabo atol sa pagpahigayon sa ASEAN, apan adunay stop and go alang paghatag prayoridad sa mga VIP nga lumalabay.
