-- ADVERTISEMENT --
Mag-atbang sila si Camila Osorio sa Colombia ug Donna Vekic sa Croatia sa finals sa WTA 125 Philippine Womens Open karong adlawa, Enero 31, 2026.
Gipildi sa world number 84 nga si Osorio si Solana Sierra sa semifinals sulod sa 46 minutes sa score nga 6-0, 6-1.
Samtang gipildi sa world number 72 nga si Vekic si Tatiana Prozorova sa Russia sa semifinals round sa score nga 6-2, 6-4.
Kini ang ikaduhang panagtagbo nila ni Osorio ug Vekic sa ilang propesyonal nga karera nga ipahigayon sa Rizal Memorial Stadium.
Ang ilang unang panagtagbo gipahigayon sa Cincinnati 2022 qualifiers diin midaog si Vekic sa score nga 7-6(6),6-3.
-- ADVERTISEMENT --
Kahinumduman nga gipildi ni Osorio ang Philippine seed nga si Alex Eala sa quarterfinals nga gipahigayon niadtong Enero 29.
