Gipaambit ni Kris Aquino ang laing update sa iyang panglawas human niya gibutyag nga siya adunay Deep Vein Thrombosis (DVT), usa ka seryoso nga kondisyon nga gipahinabo sa pagporma sa mga blood clots.
Bisan pa niini, ang Queen of All Media nagpabilin nga positibo ug naglaum nga ang iyang pagkaayo magpadayon.
Sa usa ka Instagram post niadtong Pebrero 1, si Kris miingon nga siya na-confine sulod sa unom ka semana ug gilauman nga mopauli sa pipila ka adlaw.
Gipasabot niya nga dili siya makabiyahe sakay sa eroplano hangtod nga mawala ang mga blood clots.
Kabahin sa iyang rehabilitasyon mao ang pag-ehersisyo ug paglangoy, busa nangayo siya og tabang sa publiko sa pagpangita og lugar nga adunay swimming pool duol sa mga ospital.
Gipahayag usab ni Kris ang iyang pasalamat sa medical team nga nag-focus sa iyang pagtambal ug gipaambit ang iyang kahinam alang sa iyang adlawng natawhan sa Pebrero 14, nga iyang gitawag nga posible nga “rainbow year” human sa mga pagsulay nga iyang naagian.
Bisan pa sa iyang kondisyon, si Kris miingon nga nagpadayon siya sa pakigbisog alang sa iyang mga anak nga sila si Josh ug Bimby, ug hinay-hinay usab nga nangandam sa pagbalik sa paghimo og video podcast nga hinay-hinay niyang sugdan depende sa iyang kondisyon.
