Kim Molina ug Jerald Napoles, kaslon na sa Marso

Kaslonon na karong Marso ang showbiz couple nga sila si Kim Molina ug Jerald Napoles.

Gikumpirmar kini sa aktres apan wala niya gihisgutan ang petsa sa ilang kasal.

Ingon man nga adunay mga hungihong nga posibleng dungan sa ika-43 nga adlawng natawhan sa aktor sa Marso 2.

Samtang, gipahibalo usab ni Molina nga dili ipahigayon sa Metro Manila ang ilang panag-usa kondili sa laing lugar sa nasud.

Diin ang iyang gown kay gikataho nga gihimo sa inilang designer nga si Mak Tumang.

Mahinumduman nga nahitabo ang marriage proposal niadtong Agosto 2024 ug daghang mga supporters ug mga kaubanan sa industriya ang naghinam-hinam ug nagpaabot sa usa ka sagrado nga kasal sa duha.