Andam si Senador Juan Miguel Zubiri nga mokanaog isip Senate majority floor leader sa ulahing bahin sa 2027 aron mahatagan og higayon ang ubang mga Senador nga mohupot sa posisyon.
Sumala ni Zubiri, gipahibalo niya ang ubang mga miyembro sa majority bloc nga andam na siyang mokanaog ug tugotan ang iyang Senior Deputy Majority Leader, si Sen. JV Ejercito, nga mopuli.
Dugang niini nga plano nila nga himuon ang transisyon sa sunod tuig, uban sa pagbalhin ngadto sa bag-ong building sa Senado sa Fort Bonifacio sa Taguig.
Ingon man nga sa dili pa ang eleksyon sa 2028, si Senador Loren Legarda gikataho nga molingkod isip bag-ong Presidente sa Senado.
Gihimo ni Zubiri ang pamahayag taliwala sa mga taho nga ang majority bloc miuyon alang kang Sen. Legarda isip Presidente sa Senado sa dili pa matapos ang iyang termino sa 2028.
Giklaro ni Zubiri nga ang kasabutan dili pa opisyal, apan miingon siya nga kini mahimong mahitabo sa ulahing bahin sa termino ni Senate President Vicente Sotto III diin gikataho nga ilang pilion ang unang babaye nga Presidente sa Senado sa kasaysayan sa Kongreso.
