Nagpabilin sa ilang baruganan ang Armed Forces of the Philippines (AFP) nga dili mosurender bisan usa ka pulgada sa teritoryo sa Pilipinas human sa pamahayag ni Sen. Rodante Marcoleta nga daw nagsugyot sa pagsurender sa Kalayaan Island Group (KIG) tungod sa tensyon sa China.
Sumala sa tigpamaba sa AFP para sa West Philippines Sea nga si Rear Admiral Roy Vincent Trinidad, ang mandato sa Armed Forces of the Philippines mao ang pagpanalipod sa soberanya ug integridad sa nasud.
Gisaad sa AFP ang teritoryo nga panalipdan ang teritoryo nga naglakip sa Kalayaan Island Group ug Bajo de Masinloc, nga giangkon usab sa ubang mga nasud.
Sigon ni Rear Adm. Trinidad nga ang AFP wala gyud magduha-duha sa pagtuman niini nga mandato ug napamatud-an na nato kini sa kasaysayan.
Kahinumdoman nga sa nakalabayng semana gibutyag ni Marcoleta sa Committee on Appointments nga dapat isuko ang KIG, apan giklaro usab niini nga ang mismong pahayag nahimong matud pa taken out of context.
Samtang Gibalibaran usab nila ni Senate Majority Leader Migz Zubiri og Senate Pres. Pro Tempore Ping Lacson ang ideya sa pagsurrender sa maong mga teritoryo hilabi na ang West Philippine Sea og Kalayaan Island Group.
