Niulbo ang kalayo sa Sitio Plastikan, Barangay Duljo niadtong Sabado sa gabii, Pebrero 14, 2026, diin upat ka panimalay ang naugdaw ug nakan-an sa dila sa kayo.
Base sa inisyal nga report sa alas 7:57 sa gabii, duha ka balay ang hingpit nga naugdaw (totally destroyed), samtang usa ang partially damaged ug usa usab ang nakaangkon og ginagmay nga kadaot.
Tungod sa maong hitabo, upat ka pamilya nga gilangkuban sa 16 ka indibidwal ang nawad-an og kapuy-an, lakip na niini ang siyam ka mga hamtong, usa ka batan-on, unom ka mga bata, ug duha ka gagmayng lalaki.
Dali nga milihok ang Kagamhanan sa Dakbayan sa Sugbo pinaagi sa Department of Social Welfare and Services (DSWS) aron ipaubay sa interview ang mga biktima ug mahatagan og emergency relief goods.
Gawas sa hinabang nga pagkaon, i-endorso usab ang maong mga pamilya aron makadawat og financial assistance gikan sa Relief and Recovery Fund sa siyudad.
