Direktang mimando si US President Donald Trump sa mga federal agencies niini sa pagsugod sa pagpagawas sa mga government files may adunay koneksyon sa mga aliens ug unidentified flying objects (UFO) sa iyang gipunto nga dakong interes sa publiko kabahin sa maong isyu.
Sa social media post niini, gipamahayag ni Trump nga giyang gimandoan si Defense chief Pete Hegseth ug ubang mga ahensya sa pagpagawas sa mang impormasyon nga giyang gisaysay nga “extremely interesting and important.”
Sa sayo pa, bisan og walay ebidensya kay giakusaran ni Trump si former US President Barack Obama sa daw giingong improperly disclosing classified information kung maghisgot sa diskusyon sa mga aliens sa publiko.
Atol sa podcast interview ni Obama sa programa ni Brian Tyler Cohen, naghisgot kini sa posibilidad nga adunay kamatuoran ang mga aliens apan wala kiniy detalye sa Area 51 o bisan unsang underground facility sa gobyerno nga nagkulong og mga aliens.
Ang Area 51 usa ka classified facility sa Air Force sa Nevada nga gituohan sa mga eksperto nga adunay mga lawas sa mga aliens ug usa ka nahagsa nga spaceship. Ang mga archive sa CIA nga gipagawas niadtong 2013 nag-ingon nga kini usa ka test site para sa top-secret spy planes.
