International Community, nanawagan og malinawon nga panagsulti sa Afghanistan ug Pakistan

Nanawagan ang daghang mga nasud sa Afghanistan ug Pakistan nga magpahigayon og malinawong panagsulti.

Kini nagsunod sa nagpadayon nga tensyon tali sa duha ka nasud diin daghang mga tawo ang namatay.

Ang uban sa mga nasud mao ang Iraq, Qatar, Egypt, Turkey ug bisan ang International Committee of the Red Cross (ICRC).

Sukad sa miaging tuig, ang Pakistan nagpahigayon og mga air strike sa Afghanistan.

Human niini, ang Qatar nanguna sa pagpataliwala tali sa duha ka nasud aron adunay ceasefire.

Bisan pa, sa miaging mga semana, ang mga pag-atake sa Pakistan misilaob pag-usab diin ilang gitarget ang kuta sa mga miyembro sa ISIS nga responsable sa mga suicide bombing nga gihimo sa ilang nasud nga nakapatay sa daghang mga tawo.