Nagkalapad ang mga airstrike sa Iran ngadto sa lain-laing bahin sa Middle East, diin sumala ni ministry spokesman Reza Talaei-Nik, andam na sila nga makig-away sa US ug Israel sa dugay nga panahon.
Giklaro niya nga wala nila gigamit ang ilang mga advance weapons sa pag-atake sa pagkakaron.
Tungod niini, ang airspace sa Qatar nagpabilin nga sirado diin kapin sa 8,000 ka mga tawo ang na-stranded.
Gikondenar sa United Nations ang nagpadayon nga gubat sa Iran diin daghang mga bata ang gitaho nga nalambigit.
Giklaro usab ni US President Donald Trump nga wala sila gidasig sa Israel sa pag-atake sa Iran.
Gikataho nga nahibal-an ni Trump nga ang Iran walay interesado sa negosasyon mao nga nakahukom siya nga atakehon ang Iran.
Ang hangyo sa Iran nga makig-istorya pag-usab ulahi na usab tungod kay nagkagrabe ang gubat.
