Gihunong sa Iraq ang operasyon sa mga oil ports human sa mga pag-atake sa Iran sa duha ka oil tanker, nga nakapatay sa usa ka Indian national.
Kini ang gikumpirmar ni Iraqi Ports Company director general Farhan al-Fartousi nga ang mga operasyon sa mga terminal sa lana sa Iraq hingpit nga gihunong, apan ang mga pantalan sa komersyo magpabilin nga magamit.
Gumikan sa pag-atake, usa ka tawo ang namatay samtang 38 ang naluwas gikan sa mga oil tanker nga nasunog sa Persian Gulf human naigo sa usa ka gituohang Iranian water drone.
Ang Embahada sa India sa Baghdad miingon niadtong Huwebes nga usa ka Indian national ang namatay sa pag-atake sa crude oil tanker niini nga Safesea Vishnu samtang 15 ka mga tripulante sa India ang gibakwit ngadto sa luwas nga lugar.
Sukad kagahapon, Marso 11, mikabat na sa unom ang kinatibuk-ang ihap sa mga pag-atake sa mga barko sa Persian Gulf samtang kritikal na ang kasikbit niini nga Strait of Hormuz diin gitarget sa Iran aron babagan ang pagpadala sa lana isip balos sa usa ka hiniusa nga pag-atake sa US-Israel.
