Gi-ablihan na ang Bagong Pilipinas eGov Serbisyo Hub sa Barangay Subangdaku sa dakbayan sa Mandaue niadtong Lunes, Marso 16, 2026.
Personal nga giinspeksyon ni Presidente Ferdinand “Bongbong” Marcos Jr. ang maong pasilidad kun diin gitagana kini isip one-stop government center alang sa mga lungsuranon sa ilang mga sugyot sa mga nagkadaiyang ahensya sa gobyerno.
Gani sa pakighinabi sa Bombo Radyo Cebu News Team kang Department of Information and Communications Technology Undersecretary David Almiro nga adunay kapin 20 ka ahensya ang mitanyag sa ilang mga serbisyo sa maong pasilidad sama sa Department of Social Welfare and Development, Department of Labor and Employment, Philippine Statistics Authority, PhilHealth, Social Security Systems, Pag-IBIG, Kadiwa ng Pangulo, ang Benteng Bigas Meron na! program ug uban pa.
Diin gikinahanglan lang silang mu-set og appointment pinaagi sa eGov portal aron maka avail sa service hub. Apan sa mga dili sweto niini kay aduna rapud mga kawani nga andam mutabang aron mapadali ang transaksyon.
Dugang pa nga adunay duha ka haligi ang eGov PH diin ang una kay mao ang online app ug ang ikaduha mao ang physical service hub diin sa Sugbo anaa sa Subangdaku, Mandaue City nga ikaduha sa tibuok Pilipinas diin ang una kay natukod sa San Juan City sa Metro Manila.
Sugyot nilang magtukod sab og laing eGov Service Hub sa Batangas ug Davao sa musunod nga panahon.
