CEBU CITY- Gibasura sa mga piskal sa Marawi City ang tanang 12 counts sa cyber-libel nga gisang-at batok kang Cebu City Councilor Pastor “Jun” Alcover kaniadto.
Matod ni Alcover niadtong Marso 19, gidawat na sa iyang habig ang pagbasura sa 12 counts sa mga kasong cyber-libel nga gisang-at batok kaniya sa Marawi City ni Ibrahim Ala Dianalan Jr., kon mas nailhan nga Mark Dianalan.
Sa usa ka eksklusibong pakighinabi sa Bombo Radyo Cebu newsteam kaniya, iyang giasoy nga si Dianalan usa ka Muslin kinsa usa ka rehistradong botante sa Lapu-lapu City nga gitugutan ni Mayor Nestor Archival sa pagdumala sa usa ka ‘Illegal Night Market.’”
Matod sa konsehal, ang hinungdan sa pagbusar sa maong kaso mao ang desisyon klaro nga nagpakita nga walay igong basehan aron maestablisar ang prima facie case nga adunay makatarunganon nga kasiguroan sa kombiksyon.
Subay niini, gikabutyag ni Alcover nga adunay tsansa nga giakusahan siya ni Dianalan pamaagi sa mga pag-post og mga pamahayag niya pinaagi sa Facebook account nga “Jun Alcover” ug “Jun Amigo,” nga nag-alegar nga gidaot siya sa konsehal ug ang operasyon sa Night Market sa pipila ka mga post tali sa Septyembre ug Oktubre 2025.
Kahinomdoman nga usa sa mga post sa Konsehal gihulagway nga ang Night Market “ilegal,” ug gitawag si Dianalan nga kabahin sa usa ka “sindikato,” ug gikuwestiyon ang pagkolekta sa bayad sa mga vendor. Giangkon sa mga saksi nga ang mga account iya ni konsehal, nga nagkutlo sa mga livestream ug mga video diin siya nagpakita.
Human sa usa ka komprehensibo nga pagrepaso, ang mga piskal mihukom nga ang ebidensya dili igo aron mapamatud-an ang usa ka prima facie nga kaso nga adunay makatarunganon nga kasiguroan sa kombiksyon.
Ang Joint Resolution, nga gipirmahan niadtong Pebrero 19, 2026 ni Prosecution Attorney Sittie Hadyah D. Sarip ug giaprobahan ni City Prosecutor Omar M. Macapaar, nagpunting sa daghang kritikal nga mga kakulangan.
