LAPU-LAPU CITY,CEBU- Gisugyot sa Kagamhanang Dakbayan sa Lapu-Lapu ang pagpaminus sa terminal fees nga panukuton sa mga public utility vehicles (PUVs) aron sa pag-alibyo sa kalisod sa sitwasyon sa mga drayber karong padayon ang nasinating krisis sa krudo.
Kini ang giduso ni Lapu-Lapu City Mayor Cindi King-Chan sa plano niining temporaryong paglaslas sa transport-related fees sa mga PUVs aron makaabag sa mga drayber ug apil na sab ang mga pasahero.
Ang proposal kay gitakda ang ipatuman sa musunod nga semana ingon man nga dunggon pud kini sa sesyon sa City Council sa dili pa ang Semana Santa.
Ubos sa maong plano, ang paglaslas sa terminal fees kay mao ang musunod:
V-hire vans: gikan sa P25 ngadto sa P15;
Jeepneys: gikan sa P20 ngadto sa P10; ug
Multicabs: gikan sa P10 ngadto sa P5.
A maong mando kay gilauman nga makabenepisyo sa gatusan ka mga PUV operators ug makasuporta sa mas abot-kayang sakayan sa dakbayan.
