Nagpahigayon og free concert ang mga supporters sa mga Duterte gahapon sa gabii, Marso 28, 2026, nga gipahigayon sa Plaza Independencia ning dakbayan sa Sugbo.
Ang maong free concert nga gidumala sa mga supporte ni Kanhi Presidente Rodrigo Duterte gidalit kini sa selebrasyon sa ika-81 nga adlawng natawhan sa kanhi presidente.
Ingun man nga gipangulohan kini nga aktibidad sa Cebu Alliance for Duterte 2028, diin anaa ang presensya sa mga nagkalain-laing local nga banda ang mopasundayag sa maong kalihokan sama sa Phylum, Aggressive Audio, ug ang Cookies.
Lakip usab sa mga motambong mao si kanhi gobernador sa Ilocos Sur nga si Luis “Chavit” Singson, diin nagpahayag siya sa iyang paglaum nga sa katapusan mabawi ra sa gobyerno si kanhi presidente Rodrigo Duterte.
Si Singson, kinsa naa sa Sugbo, mipasiugda sa iyang suporta kang Duterte samtang nanghinaut siya og malipayong adlawng natawhan.
Gidapit usab sa kanhi gobernador ang mga tigpaluyo ni Duterte nga nisalmot sa konsiyerto nga giorganisar sa Cebu Alliance for Duterte 2028.
Sa karon, si Duterte anaa kasamtangang natanggong sa pasilidad sa The Hague, Netherlands subay sa kasong giatubang niini sama crime against humanity.
