Gisaulog ug giobserbar sa Pilipinas ang Semana Santa, diin pipila sa mga kawtahan nag andam na sa naandan nga kalihokan nga gawas sa mga relihiyosong aktibidad, pagpanguli sa isig ka probinsya, ug dili usab mawala ang gikahinaman nga binignit.
Subay niini, gisusi sa Bombo Radyo Cebu newsteam kung susama ba usab ang pamaagi sa mga Overseas Filipino Workers (OFW) ang pagselebrar nila sa Semana Santa.
Busa, eksklusibong nahinabi sa Bombo Radyo Cebu si Nicole Bedtao, ang Bombo International News Correspondent (BINC) sa Abu Dhabi ug iyang gikabutyag nga bisan paman muslim country ang Abu Dhabi, aduna gihapoy pipila ka mga katolikong simbahan apan ang mga kalihokan dili susama sa kung unsa ang mga gipangbuhat sa Pilipinas atol sa Semana Santa.
Giasoy usab ni Bedtao nga sa ilahang habig, sa karon, gibawalan sila nga magselebrar sa Semana Santa o mamatyagan sa ilang isig ka-amo didto kabahin sa maong selebrasyon ilabi na kung sulod kini sa ilahang panimalay.
Iya usab nga gidugang nga ang maong matang sa kalihokan, kung makit-an sa pipila o sa ilahang amo, makonsiderar kining disrespectful.
