Usa sa mga hagit sa mga Overseas Filipino Workers sa middle east, ang padayung pagkasinati sa grabeng kabalaka ug kagoul sa padayong kagubot mugna sa panagbangi sa Estadus Unidos ug Iran, lakip na ang mga kasigbit nga mga nasud sama sa Yemen ug Saudi Arabia, diin adunay mga natala nga sunod-sunod nga mga pagpangataki.
Matud ni Nicole Bedtao, usa ka Bombo International News Correspondent sa Abu Dhabi, nga taliwala sa hugot nga siguridad nga gipatuman sa ilang lugar, sa pagpakigbatok sa mga drone strikes gikan sa Yemen, dili gihapon mawagtang ang kabalaka nga ilang nasinati sa matag-oras nga adunay pag-atake gikan sa Yemen.
Sigon niini, nga bisan paman nga ang kagamhanan sa Abu Dhabi hugot nga mipasalig sa siguridad ngadto sa publiko, dili gihapon sila angay nga mokumpiyansa gumikan kay bisan aduna silay interceptor sa drone strikes, aduna gihapoy mga debri nga mga tagak.
Usa sa mga gihimug-atan niini, nga bisan pamn sa ilang nasinati nga kahadlok, mas pillion gihapon ni Bedtao, nga magpabilin sa lugar gumikan kay mas importante ka niya ang panginabuhian kaysa mouli sa Pilipinas.
Sa pinakaulahing report nga natala, adunay natala nga itom nga aso sa King Khaled International Airport sa Riyadh, Saudi Arabia, tungod sa nangatagak nga mga debri mugna sa mga drone attacks.
