Personal nga gidala ni Pope Leo XIV ang krus sa tanang 14 ka estasyon sa Way of the Cross nga gihimo sa Colosseum sa Biyernes Santo.
Sa pagsugod sa ritwal sulod sa Colosseum, giisa sa Santo Papa ang krus ug gisugdan ang Via Crucis, nga giubanan sa duha ka tigdala og sulo.
Milungtad og kapin usa ka oras ang prosesyon nga miagi gikan sa sulod sa Colosseum, paingon sa gawas diin nagtapok ang daghang mga tumutuo, hangtod sa hagdanan paingon sa Palatine Hill diin iyang gihatag ang katapusang panalangin.
Sa unang estasyon, nga nagtimaan sa paghukom kang Hesus sa kamatayon, gipasiugda sa pagpamalandong nga giandam alang sa unang Biyernes Santo sa Santo Papa nga ang mga adunay awtoridad kinahanglan manubag sa Dios sa paggamit sa ilang gahum.
Gibanabana nga kapin 30,000 ka mga matinud-anon ang nagtigom sa gawas sa maong lugar, nga misunod sa mga estasyon pinaagi sa pagbasa nga gipadungog gamit ang loudspeakers.
Sa Holy Saturday, mangulo ang Santo Papa sa Easter Vigil diin iyang bunyagan ang mga bag-ong Katoliko ug giya ang mga tumutuo sa pagsaulog sa pagkabanhaw ni Kristo.
Samtang sa Easter Sunday, magsaulog siya og Misa sa gawas sa St. Peter’s Square, diin iyang ihatag ang mensahe sa Pagkabanhaw ug ang tradisyonal nga panalangin nga “Urbi et Orbi” alang sa Roma ug sa tibuok kalibutan.
