Nagpagawas og klaro nga pasidaan ang Islamic Revolutionary Guard Corps nga ang Amerika mahimong ma-trap sa gitawag niini nga “deadly vortex” sa Strait of Hormuz kon kini mohimo ug sayop nga lihok sa lugar.
Ang pasidaan sa Iranian Revolutionary Guards nagsunod sa mga taho sa usa ka naval blockade nga gimando sa Estados Unidos sa pantalan, usa sa labing importante nga ruta sa lana sa kalibutan.
Sa usa ka pahayag, ang naval command sa Guards miingon nga ilang kontrolado ang Strait of Hormuz ug nga ang ilang mga pwersa armado usab.
Sa samang higayon, ang grupo niinsister nga bisan pa sa “bakak nga mga pangangkon” o ”false claims” sa Amerika bahin sa Strait of Hormuz, ang pantalan nagpabilin nga abli alang sa luwas nga pag-agi sa mga barko subay sa kasamtangang mga regulasyon sa Iran ug uban pang mga nasud.
