Gilaumoy sa dakong sunog ang anaa sa siyam (9) ka establisyemento sa utlanan sa Barangay 8, lungsod sa Tuburan sa amihanang-kasadpang Sugbo gahapong adlawa, Martes, Abril 14, 2026.
Pinaagi sa eksklusibong pakighinabi sa Bombo Radyo Cebu News Team kang Fire Senior Inspector Noel Cabrera, ang hepe sa BFP Tuburan nga sa ilahang inisyal nga imbestigasyon kay gasugo ang kalayo sa sunog sa usa ka tindahan.
Dugang pa ni Cabrera nga mga small ug medium type commercial establishment ang naigo sa sunog diin pito ang natalang totally damaged samtang duha ang partially damaged.
Matod pa sa kabumberohan sa Tuburan nga miabot sa ikatulong alarma ang insidente sa sunog tungod kay ang mga tindahan kay mugna sa mixed-materials ang kontruksyon sa istruktura niini ug ang risgo sab sa electrical fire kay mikatay sa linya sa kuryente ang kalayo sa sunog. Wala pud nakatabang ang kusog nga labyog sa hangin sa ilahang pagpawng sa sunog hinungdan nga milanat og pipila minuto ug oras ang ilang pagresponde
Maayo nalang og walay natalang angol sa insidente apan ang kadaot sa mga kabtangan kay adunay gibana-banang balor sa kapin P762,000.
Gipasalamatan sa opisyal sa BFP Tuburan ang pag-abang sa mga pribadong water tankers og lain istasyon sa BFP sa mga kasilinganan nga lungsod sa kasadpang probinsya alang sa pagpalong sa sunog.
Subay niini, adunay mensahe ang mga awtoridad ngadto sa publiko nga ipamatasan ang maayong kalihukan batok sa risgo sa sunog nga mutumaw sa atong mga panimalay ug bisna sa mga komersyal nga establisyemento.
