Gisuportahan ni Archbishop of Canterbury Sarah Mullally si Pope Leo XIV sa iyang panawagan alang sa kalinaw alang sa tanang kanasuran.
Giawhag sa obispo ang 85 milyon nga mga Anglicans sa kalibutan nga mopahayag alang sa kalinaw, human sa sunod-sunod nga mga pag-atake ni U.S. President Donald Trump batok sa Santo Papa tungod sa iyang mga komento sa gubat sa Iran.
Gipasiugda usab ni Mullally ang makadaot nga epekto sa gubat sa mga sibilyan, lakip na ang pagkawala sa mga inosenteng kinabuhi, ang pagkaguba sa mga pamilya, ug ang pagkawala sa kaugmaon sa daghan.
Kon kahinumduman, gikondenar kaniadto ni Pope Leo XIV ang mga lider nga naggasto og binilyon nga dolyar sa gubat, nga nag-ingon nga pipila ka gamhanang mga lider ang nagpasipala sa kalibutan.
Sa laing bahin, gitawag kaniadto ni Trump si Pope Leo nga “Huyang sa Krimen,” ug “Terrible alang sa Foreign Policy” sa usa ka post sa social media.
