Nakabsan sa kinabuhi ang lima (5) ka indibidwal human nabangga ang usa ka police mobile sa Quezon City.
Sumala ni PMaj. Jennifer Ganaban, public information chief sa Quezon City Police District, ang mga namatay pulos mga persons under police custody.
Nahitabo ang insidente pasado alas 11 sa buntag niadtong Biyernes, Abril 24.
Diin basi sa inisyal nga imbestigasyon, ang police mobile nabangga sa usa ka wall human kini giingong nawad-an og preno sa Payatas Road, Quezon City.
Dugang pa, ang mga persons under police custody padulong na unta sa Payatas Jail alang sa ilang mga obligasyon.
Samtang, aduna say upat (4) ka mga pulis ug usa ka indibidwal nga under police custody ang nasamdan usab sa insidente ug gitambalan na sa tambalanan.
Sa karon, padayon nga giimbestigahan sa mga awtoridad ang insidente.
