Mipagawas og pamahayag si U.S. President Donald Trump nga wala siya matagbaw sa pinakabag-o nga tanyag sa Iran alang sa negosasyon, nga nagpasabot nga mahimong magpadayon ang tensyon ug panagbangi.
Matud ni Trump, ang Tehran adunay mga hangyo nga dili madawat sa Estados Unidos, bisan pa sa padayon nga komunikasyon tali sa duha ka habig.
Samtang, miingon ang Iranian Foreign Minister nga si Abbas Araqchi nga abli ang Iran sa diplomasya kung usbon sa US ang iyang “agresibong pamaagi,” apan nagpabilin nga alerto ang ilang pwersa batok sa posibleng pag-atake.
Sa laing bahin, misaka usab ang tensyon tali sa mga kaalyado human gipahibalo sa Estados Unidos ang pag-atras sa mga tropa gikan sa Germany, human sa panagbangi uban sa German Chancellor nga si Friedrich Merz.
Bisan pa sa ceasefire, nagpabilin nga kritikal ang sitwasyon sa Strait of Hormuz, nga usa sa mga importanteng agianan sa global nga suplay sa lana.
Tungod niini, nagpadayon ang kabalaka sa ekonomiya ug gilauman nga mosaka ang presyo sa lana sa merkado.
