Gitaho sa Philippine Statistics Authority (PSA) nga misaka ngadto sa 7.2% ang inflation rate sa nasud niadtong Abril ning tuiga, o ang paspas nga pagtaas sa kinatibuk-ang presyo sa mga palaliton ug serbisyo.
Kini ang gipahibalo ni PSA Undersecretary Claire Dennis Mapa, nga kini ang pinakapaspas nga inflation rate nga natala sa miaging tulo ka tuig, o sukad Marso 2023 nga miabot sa 7.6%.
Gipasabot ni Mapa nga ang pangunang nakaapekto sa inflation sa miaging bulan mao ang pagtaas sa presyo sa pagkaon ug lana.
Ang bugas maoy nakarekord sa pinakadako nga kontribusyon sa pagtaas sa presyo sa pagkaon, gisundan sa isda ug karne.
Sa sektor sa transportasyon, miusbaw usab ang presyo sa diesel ug gasolina, nga nakadugang sa inflation pressure sa nasud.
Samtang, milabaw sa forecast sa Bangko Sentral ng Pilipinas (BSP) nga 5.6% hangtod 6.4% ang inflation sa Abril.
Mas taas usab kini kaysa target range sa gobyerno nga 2% hangtod 4%.
