Nasikop sa National Bureau of Investigation – Central Visayas Regional Office ang giingong Bigtime bugaw atol sa gipahigayon nga enforcement action, niadtong Mayo 11 sa insection Juana Osmeña ug M.P. Yap St., Brgy.Camputhaw, Cebu City.
Giila ang suspetsado nga si alyas “Joel” nasikop sa mga operatiba samtang ang 3 ka mga babaye lakip na ang usa ka buntis malapuson nga na-rescue
Namugna ang operation tungod sa taho gikan sa Inter-Agency Council Against Trafficking 7 kalabot sa mga aktibidad sa prostitusyon sa maong dapit.
Sa pagkakaron, kasong kalapasan sa Sec. 4 (e) sa RA 9208, as amended by RA 10364, o Expanded Anti-Trafficking in Persons Act of 2012, ang giatubang sa suspetsado, samtang ang mga na-rescue nga mga kababayen-an anaa na sa kustodiya sa DSWD-7. | via Bombo Rexmond Omega
