Agig tubag sa mga reklamo nga gipasaka sa mga motorista bahin sa mga street vendors nga giingong mamupugos o nag-pressure sa mga motorista sa pagpalit og mga produkto sa mga dagkong kadalanan ug mga interseksyon sa Dakbayan sa Sugbo, ang Cebu City Police Office (CCPO)nagpahigayon dayon og mga operasyon sa pagmonitor ug pagpatuman niadtong Mayo 30, 2026.
Subay sa direktiba ni Cebu City Mayor Hon. Nestor D. Archival, gipakusog sa mga personahe sa CCPO ang ilang presensya sa mga giila nga lugar diin nadawat ang mga report sa maong mga kalihokan.
Tungod sa operasyon, 18 ka mga indibidwal nga namaligya sa kalsada ang nasikop sa Gorordo Avenue duol sa JY Square, Barangay Lahug, Dakbayan sa Sugbo.
Ang mga indibidwal gidala sa Cebu City Police Office alang sa hustong interbyu, pag-validate, dokumentasyon, ug pag-verify sa ilang mga identidad ug mga kalihokan.
Human sa pagpahigayon sa gikinahanglan nga mga pamaagi, ang tanang napulog walo (18) ka mga indibidwal husto nga nailhan ug natala.
Gihatagan usab sila og hugot nga mga pasidaan bahin sa mga pamatasan nga mahimong hinungdan sa kahasol, pagpanghadlok, o mga kabalaka sa kaluwasan sa mga motorista ug sa publiko.
Gidala ang mga indibidwal sa Barangay Lahug uban sa mga personahe gikan sa Mabolo Police Station, nga mao ang hurisdiksyon, alang sa dugang nga pag-verify ug koordinasyon sa mga lokal nga awtoridad.
