Nangayo og dispensa ug pagsabot si Cebu Governor Pamela Baricuatro ngadto sa mga biktima sa linog sa habagatang bahin sa Sugbo, nga niigo sa Bogo niadtong Setyembre 30 sa milabayng tuig.
Atol sa pakighinabi niini sa mga katawhan, gibutyag sa gobernadora nga nasayud na ang tanan nga kon ang hinabang mag-agi sa gobyerno, laoman nalang nga dugay kaayo ang proseso.
Hinungdan nga matod niya, tumang paningkamot sa mga board members sa probinsya sa Sugbo aron hingpit nang mapagawas ug ma apod-apod na ang trust fund sa gobyerno.
Samtang, gipasabot usab ni Governor Baricuatro si City of Bogo, Cebu Mayor Mayel Martinez, nga sa kadtong panahon nga nahitabo ang kalamidad, daghang mga nitunol og donasyon alang sa mga biktima—gikan sa Pilipinas ug sa mga langyaw nga nasud.
Diin, giklaro niya nga nakadesisyon kining ipadiretso na gayud sa mga Local Government Unit (LGU) ug dili i-agi pa sa Probinsya kay taas ang proseso ug dugay kaayo.
