Nagsugod na sa pag-abot sa US ang nagkalain-laing nasud nga mosalmot sa FIFA World Cup, diin sugdan kini Hunyo 11 hangtod Hulyo 19.
Ang mga team nagpahigayon usab og send-off ceremony, samtang ang defending champion Argentina national team nga Albiceleste naa sa Kansas City, diin ang three-time World Cup winning nation team nagpakita sa ilang mga poster uban sa mga football stars sama nila ni Lionel Messi ug legend Diego Maradona.
Ingun man ang five-time world champion nga Brazil miabot sa Newark International Airport sa New Jersey samtang ang England team nga Three Lions, ug Scotland national team—Tartan Army naa sa Florida.
Ang pipila sa mga team nga gilauman nga moabot sa umaabot nga mga adlaw mao ang Australian national team Socceroos nga temporaryong mopuyo sa amihanang California, ug ang Germany, France, Spain, Portugal ug Norway nangandam usab.
Samtang ang South Africa team nga Bafana Bafana anaa sa Mexico.
Ingun man ang US national team nagbansay sa Arthur Blank US Soccer National Training Center sa Georgia.
Adunay 48 ka mga nasud nga nakigtigi sa 104 ka duwa nga torneyo ug ang finals ipahigayon sa MetLife Stadium sa New Jersey.
