Pormal na nga gikumpirma sa White House nga motambong si US President Donald Trump sa final match sa FIFA World Cup, diin mag-atbang ang Spain ug Argentina.
Sumala ni White House Press Secretary Karoline Leavitt, andam na ang presidente sa pagtan-aw sa championship match ug sa pagpasigarbo sa Estados Unidos isip host sa maong torneyo.
Gibutyag usab ni FIFA President Gianni Infantino nga nihangyo si Trump nga siya ang motunol sa World Cup trophy ngadto sa kampiyon.
Matud ni Infantino, sundon gihapon ang tradisyon nga ang presidente sa host country ug ang FIFA president ang magkauban sa pagtunol sa tropeyo.
Sa dili pa ang final, motambong una si Trump sa usa ka opisyal nga FIFA reception sa Trump Tower sa New York City.
Ang World Cup final tali sa Spain ug Argentina ipahigayon karong Lunes, alas-3:00 sa kadlawon, oras sa Pilipinas.
