Patay ang usa 82-anyos nga lalaki human giingung gitigbas sa iyang kaugalingong anak sa umahan sa Barangay Basak Lungsod sa Badian, niadtong Huwebes, Hunyo 4, 2026.
Nailhan ang biktima nga si Nemecio Libron 82-anyos kinsa giingung nagharvest unta og lubi sa nianang adlawa sa buntag, samtang ang suspek giila nga si Climaco, “Makoy” Libron anak mismo sa biktima.
Matod ni Police Captain. Feb Seares, ang hepe sa Badian Police gikulata sa anak ang mismong amahan niini nga gikatahong gibunalan sa ika 4 nga higayon gamit ang kahoy nga maoy miresulta sa kamatayon sa biktima.
Dugang pa niini, daw nasuko si Alias Makoy nga nangharvest sa kalubihan nga mismong gipananom sa suspitsado hinungdan nga miabut sa grabeng panaglalis og dayung pagpamunal niini sa kahoy.
Nasayran usab nga kanhi nang nabilanggo ang suspitsado sa susama gihapon nga mga kaso sa pagpatay.
Wala ra usab manlaban ang suspitsado sa dihang gisikop kini sa mga sakop sa kapulisan.
