12 patay sa pagkahagsa sa eroplano sa Missouri

Nakalas ang dili momenos 12 ka tawo human nahagsa ang usa ka eroplano didto sa Missouri, Estados Unidos, niadtong Domingo.

Base sa report sa Missouri State Highway Patrol, nahitabo ang maong trahedya duol sa Butler Memorial Airport sa siyudad sa Butler, nga nahimutang mga 60 milya ang kalay-on sa habagatan sa Kansas City.

Sa inisyal nga pakisusi sa mga awtoridad, nasayran nga walay nakaluwas sa maong insidente.

Lakip sa mga namatay mao ang 11 ka skydiver ug ang piloto sa eroplano.

Sa pagkakaron, nagpadayon pa ang lalom nga imbestigasyon sa mga awtoridad aron sayron ang tinuod nga hinungdan sa pagkahagsa sa ayroplano, samtang gisugdan na usab ang pagkontak sa mga pamilya sa mga biktima.