Mikabat na sa kapin 920 ka tawo ang namatay, samtang 3,360 ang nasamdan human sa kusog ug sunod-sunod nga linog nga miigo ug miguba sa pipila ka bahin sa Caracas ug mga kasikbit nga lugar niadtong Miyerkules sa gabii.
Gikumpirma sa gobyerno nga 172 ka indibidwal ang nagpabiling natanggong ilawom sa mga nagun-ob nga estruktura, samtang kapin sa 50,000 ka mga tawo ang gikatahong nawala o wala pa makit-i.
Samtang nagpadayon ang operasyon sa pagpangita ug pagluwas, misamot ang kabalaka sa mga residente human miuyog pag-usab ang mga lugar nga naapektuhan tungod sa 4.9 magnitude nga aftershock niadtong Biyernes sa hapon.
Kini nabati sa kapital nga Caracas ug sa duol nga siyudad sa Maracay.
Tungod sa kakuwang sa bug-at nga mga ekipo ug limitado nga presensya sa mga otoridad, ang mga residente napugos sa pagtinabangay sa pagpangita ug pagluwas sa ilang mga kabanay taliwala sa mga gun-ob.
Sumala sa report sa United Nations (UN), mokabat sa $6.7 bilyon ang gibanabanang direktang kadaot nga gibilin sa duha ka managlahing linog nga adunay magnitude nga 7.2 ug 7.5 sa Venezuela.
