Gidaghanon sa nangamatay sa sunod-sunod nga linog sa Venezuela, misaka na ngadto sa 1,430

Padayon nga naningkamot ang mga rescuer sa Venezuela sa pagpangita og mga nakaluwas human sa duha ka sunod-sunod nga linog.

Misaka na sa 1,430 ang namatay, ug kapin sa 68,900 ka tawo ang gikareport nga nawala (missing).

Ang mga tigluwas naggukod sa 72-hour survival window, nga naglaum nga makakita pa og dugang mga buhi sa ilalom sa mga naguba nga istruktura.

Kahinumduman nga sunod-sunod nga magnitude 7.2 ug 7.5 nga linog ang miigo sa nasud niadtong Miyerkules, diin grabeng naapektuhan ang baybayon sa La Guaira ug ang kapital nga siyudad sa Caracas.

Gisugdan na usab og dawat ni Acting President Delcy Rodriguez ang mga rescue group gikan sa nagkalain-laing nasud nga nagpadala og tabang.